- 534 -

1423. April 20. Liegnitz.

Der Hofrichter zu Liegnitz und die Mannen daselbst verkünden ein Urtheil der Mannen zu Donyn über den Streit zwischen Liegnitz und den Brauchitschdorfern.

Ich Hannos Seber hoferichter zu Legnicz vnd dy man doselbist, Adam Falkenhayn, Hannos von der Lewbe, Heincze Landiscron, Heincze Posern, Niclos Elle, Hannos Hertwig vnd Gregor Teschener bekennen, das vns eyn orteil komen ist von Donyn, das wir haben lossen kewffen, czwisschen den ratmannen zu Legnicz an eyme vnd den Brawchatschern am andern teyle . . vnd lawtet von worten zuworten als hernoch steet geschreben . . Hiruff sprechen wir manne zu Donyn recht vnd wissen is nicht bessir .. sintemol dos dy ersamen vnd weysen, dy ratmanne der stad Legnitz von der stad wegen dy Brawchatscher beschuldiget haben, vnd dy Brawchatscher der geweren von en gemutit haben zu rechte, so thuen en dy ratmanne öbir sulche schult dy sie zu en gefellit haben, dy were mogelichen, so ferre als sie von der stad gerechtickeit wegen dy sie fordern von den Brauchatschern antwort haben wellen von rechtis wegin, das desze recht gerecht seyn. Gegeben zu Donyn an der mittewochen noch Judica, vndir Hans von der Olsenicz des houptmans ingesegil, des wir manschaft mit em gebrachen. Des obgenanten orteils mutten dy ratmanne dis briues vnd dy frist vff den briff, dy wart en geteylet bis zum nesten dinge. Gegeben zu Legnicz noch Crists geburt virczenhundirt dornoch ym dryvndczwenczigisten jare am dinstage vor send Gorgen tage.

O. d. St. L. No. 286. Mit dem Siegel des Hofrichters und dem des Gerichts an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866